早前到外地去, 有一個關於銀幣的發現。有天晚上路過一大商場,偶然下發現有一檔舖,竟有我國熊貓幣售賣。基於好奇心,於是上前跟售貨員問價, 一問之下,嚇親 :
1. 2012 年中國熊貓1oz.銀幣, 約港幣734.00
2. 2010 年中國熊貓1oz.銀幣, 約港幣856.00
當時立刻感到可在香港買到平幣的那份喜悅 。。。XD
售貨員還把 2010 及 2012 熊貓幣從飾櫃內拿出, 給我看清看楚,根據幣的外型,及幣盒,應該是真貨。同時每隻幣都附載於一方型紅絨盒中, 好似好矜貴咁。其實貓幣是投資幣,原本並沒有盒的,跟精制幣不同,但賣這個價錢,點都要比個盒你啦。
問完貓幣之際, 同場又見到中國壬辰龍1oz. 精制銀幣, 心諗熊貓都咁貴, 呢隻唔慌平, 於是沒有再問價。。。
大家可估到邊個國家呢? 。。。。。。。答案在頁底。
外地很多地方,都有入口稅以及銷售稅,比香港貴不足為奇,只是無諗過咁貴而已。。。
有圖為證。。。
這個就是檔口,當時還有其他人睇幣。
中間紅色兩盒是熊貓幣
這隻是1oz. 壬辰龍
答案:泰國曼谷,地點是 Siam Discovery
4 則留言:
哈哈,比遊客買!
回CHIC,
我諗唔係啦。。。其實檔野,有賣埋其他國家既銀幣,只不過我無再細心去睇。如中間果幅圖,熊貓格離果兩隻好似係ROYAL MINT 既幣。同埋呢度重賣埋郵票的。。。我諗遊客唔會係度買郵票掛。。。
熊貓是外銷,這是我經常提及,
回HONSON,
但係外銷價就好“拿利”啦。。。。XD。
張貼留言