2012年4月香港國際錢幣展銷會暨古董錶交易會

雖然有網友第一天現場直擊報料，錢幣展太多人， 水洩不通，古錢鐘錶多過近代金銀幣，無乜野睇頭。
但見自已未去過此展覽會， 且假期無野做。終於尋日都出左尖沙咀， 湊湊熱鬧。

下午3點幾去到， 無想像中咁多人。亦唔會背貼背或面貼面咁行，尚可接受。


會場門口

會場內

題外話一則，話說本人同家人沿路一個個檔口行，正在睇緊有無好野執之際， 經過一檔賣古董錶，鑽石珠寶。有個亞叔拿著3支貌似古董鋼筆, 同檔主打緊"牙教". 言談間聽到亞叔話呢3支好野係同外國檔買，外國人唔識好野，講完價後，三百五十港元賣哂3支比佢， 平到笑。
本來亞叔只是想同檔主吹下水， 因原來亞叔係檔主既熟客， 展示下D戰利品。
點知檔主睇下 睇下果3支“好野”， 話24K金架喎， 又話來佬野，左睇右睇下， 竟然同亞叔用一倍價錢收左。
你話係咪得意，本來去買野， 變左放野， 重賺左餐茶錢。